Før di tid – Singel

2021

Tekstar

  • 1Før di tid

    Før di tid bøygde månen seg i støvet
    Før di tid knekte eg nakken på ei løve
    Før di tid, før alt som skulle skje
    Kjære barn, ikkje minn meg om det

    Før di tid fanst ikkje det bord eg ikkje ville velte
    Før di tid køyrde eg førti mil utan belte
    Før di tid, før du kom og gav meg fred
    Kjære barn, ikkje minn meg om det

    Før di tid, før du fanst
    Slo eg vitsar utan stans
    Før di tid, før du kom
    Var eg den galne kongens yndlingsklovn

    Før di tid rann det vin i kvar fontene
    Før di tid skein det lys på kvar ein scene
    Før di tid, før det grønka på kvart tre
    Kjære barn, ikkje minn meg om det

    Før di tid, før du fanst
    Slo eg vitsar utan stans
    Før di tid, før du kom
    Var eg den galne kongens yndlingsklovn

    Før di tid var eg i vinden, var eg jaga
    Før di tid var eg velsigna, var eg plaga
    Før di tid, før nåden strøymde ned
    Kjære barn, ikkje minn meg om det
    Kjære barn, ikkje minn meg om det

Bidragsytere