Ingen her i byen vørder vanleg folkeskikk
Alt dei har respekt for, er den brente jords taktikk
Eg ser på glørne og veit eg er i klørne
På dei mest brutale brørne ein kan råke på
Nokon ting i blikket som du sendte meg i går
Fortalde meg at det er verd å vente på ein vår
Så har du trua, og er du ikkje kua
Så møt meg under brua, og dra med meg herfrå
Bror min ber bagasjen til ein annan dagen lang
Mor mi seier støtt at han har noko stort på gang
Der har du arven, den giftiggrøne fargen
Og det skjer meg inntil margen, alt som ligg i grus
Søster mi er berre som ein skugge av seg sjølv
Og far min står i skråninga og hakkar kråkesølv
Dei ber åket, og lar andre styre ståket
Men i går såg eg ein måke, og eg sver at han song blues
Djupt i hjartet kjenner eg at noko snart må skje
Men alle som eg spør her, anar ingenting om det
Dei står og kopar og held på kvart sitt skopar
Eg står i ørkenen og ropar medan oskeflaka fell
I kyrkjer og moskear diskuterer dei guds namn
Men fuglane på himmelen, dei veit dei er i hamn
Det er stoda, så langt som eg kan skoda
Så la hjartet ditt få råda og bli med meg i kveld
Bli med meg i kveld
Eg har gått på mang ein smell
Men eg står her likevel
Det er somme løfte ein berre held